Irun | 2022ko urriak 5 · 6
Menu
Irun | 2022ko urriak 5 · 6
Emisio baxuko eremuak (EBE) indarrean sartzear dira, eta estatuko 149 hirik eremu horiek antolatu beharko dituzte urte honen amaiera baino lehen. Bestalde, Mugikortasun jasangarriaren eta Garraioaren Finantzaketaren Legea ere aurki onetsiko dute, eta 2023ko lehen hiruhilekoan indarrean jarriko dela espero da.
Hiri-inguruneen paradigma berri hori izango da Arau Aldaketari eta Hiri Eraldaketari buruzko Jardunaldien ardatza. Irungo Udalak antolatzen ditu, FEMP (Espainiako Udalerri eta Probintzien Federazioa) erakundearen laguntzarekin, eta urriaren 5ean eta 6an egingo dira, Ficoba Gipuzkoako Erakustazokan, Irunen.
Jasangarritasuna sustatzeko araudi berrien ondorioz, hiriak eraldatzen ari dira, eta prozesu horretaninplikatutako eragile guztiak bilduko dituzte jardunaldiek.
Zenbait hiritan ezartzen ari diren kasuak aztertuta eta aldaketa horiek hirientzat dakartzaten erronka eta aukerei buruzko erakundeen eta adituen ekarpena oinarri hartuta, parte-hartzaileek elkarrekin eztabaidatuko dute eta iritziak eta informazioa trukatuko dituzte, araudi berriak indarrean jartzearen ondoriozko eskakizunei erantzuteko helburuarekin.
